Auters delicts

Sper la violenza fisica, la violenza sexuala e la violenza a chasa datti ulteriurs delicts, per ils quals Vus pudais survegnir sustegn da l'agid a victimas.

Titelbild - Auters delicts

Sche Vus essas victima u confamigliars da Vus resp. persunas che stattan datiers a Vus èn victimas d'in dals suandants delicts, pudais Vus As drizzar a l'agid a victimas:

  • Smanatscha
  • Extorsiun
  • Rapinament e rapinament d'ostagis
  • Stalking / cyberstalking: Insatgi As mulesta u terrorisescha, per exempel en las medias socialas u cun telefons permanents u cun smanatschas cunter Vus e Vossa famiglia u cun As persequitar u spetgar repetidamain al lieu d'abitar u da lavur.
  • Commerzi cun umans / prostituziun sfurzada: Vus essas vegnida/vegnì en Svizra sut faussas empermischuns (p.ex. da maridar u da lavurar) e vegnis uss explotada/explotà economicamain u sexualmain. Vus vegnis per exempel sfurzada/sfurzà cun violenza e smanatscha d'As prostituir u vegnis explotada/explotà sco agid en il tegnairchasa u en l'agricultura.
  • Derasaziun da malsognas: Vus u ina persuna che stat datiers a Vus è vegnida infectada d'insatgi, intenziunadamain u per negligientscha, cun ina malsogna (p.ex. HIV).

Ans contactai, era sche Vossa situaziun n'è betg descritta qua e sche Vus n'essas betg segira/segir, sche l'agid a victimas è il dretg lieu per Vus. L'agid a victimas As infurmescha en mintga cas a tgi che Vus As pudais drizzar.

Collaziuns

Eidgenössiches Büro für die Gleichstellung von Frau und Mann: Informationsblatt Stalking

Post svizzer da coordinaziun per il cumbat cunter la criminalitad: Stalking

Post svizzer da coordinaziun per il cumbat cunter la criminalitad: flyer «Menschenhandel»