Blers browsers pussibiliteschan da translatar automaticamain paginas d'internet en tia lingua preferida. Questa funcziun è zunt utila, sch'ils cuntegns vegnan mussads en ina lingua estra. Qua sutvart vegni descrit, co che ti pos activar la translaziun automatica en differents browsers.

• Google Chrome

• Mozilla Firefox

• Microsoft Edge

• Safari (Mac e iOS)

• Opera

• Alternativa: translaziun manuala

• Infurmaziuns

Activar la translaziun automatica

Google Chrome

Pass:

1. Avra la pagina d'internet en Google Chrome.

2. Clicca sin il pitschen simbol da translaziun en la trav da las adressas (cumpara automaticamain, sche la pagina d'internet è en ina lingua estra).

3. Selecziunescha tia lingua preferida, p.ex. «tudestg».

4. Sch'il simbol na cumpara betg:

   1. Clicca sin ils trais puncts survart a dretga → Configuraziuns→ Linguas.
   2. Activescha l'opziun «Porscher la translaziun da paginas d'internet, sch'ellas èn en in'autra lingua».

Tip: Ti pos activar la translaziun automatica er per tut las consultaziuns futuras.

Mozilla Firefox

Pass:

1. Avra la pagina d'internet en Firefox.

2. Sche Firefox bada che la pagina d'internet è en ina lingua estra, cumpara ina bandiera da translaziun survart en la trav da las adressas.

3. Clicca sin «Translatar la pagina» e selecziunescha la lingua giavischada.

4. Sche la bandiera na cumpara betg:

   1. Clicca sin il menu survart a dretga → Configuraziuns→ Lingua.

   2. Activescha las opziuns da translaziun.

Microsoft Edge

Pass:

1. Avra la pagina d'internet en Edge.

2. Sche Edge identifitgescha ina pagina d'internet da lingua estra, vegn mussada automaticamain ina fanestra da translaziun.

3. Clicca sin «Translatar» e selecziunescha tia lingua.

4. Sche quai na funcziunescha betg:

   1. Clicca sin ils trais puncts survart a dretga → Configuraziuns → Linguas.

   2. Activescha l'opziun «Mussar dumonda da translaziun».

Safari (Mac e iOS)

Mac:

1. Avra la pagina d'internet en Safari.

2. Clicca en la trav da las adressas sin il pitschen simbol da translaziun (cumpara automaticamain en cas da paginas d'internet da lingua estra).

3. Selecziunescha la lingua giavischada.

iOS:

1. Avra la pagina d'internet sin tes iPhone u iPad.

2. Tippa sin il simbol aA a sanestra sper la trav da las adressas.

3. Selecziunescha «Translatar en tudestg».

Opera

Pass:

1. Avra la pagina d'internet en Opera.

2. Clicca survart a dretga sin il simbol da translaziun (sche disponibel).

3. Sche l'opziun da translaziun na vegn betg mussada:

   1. Installescha l'extensiun gratuita «Google Translate» dal  Opera-Add-on-Store.

Alternativa: Translaziun manuala

Sche la translaziun automatica n'è betg disponibla, pos ti utilisar tools da translaziun online sco Google Translate u DeepL:

1. Avra translate.google.com u  deepl.com.

2. Copiescha il text da la pagina d'internet ed inserescha el en il tool da translaziun.

3. Selecziunescha la lingua d'arriv (p.ex. tudestg) e lascha translatar il text.

Infurmaziuns

• Protecziun da datas: Resguarda che la funcziun da translaziun transmetta eventualmain datas al purschider (p.ex. Google u Microsoft).

• Translaziuns incorrectas: Las translaziuns automaticas pon mintgatant esser inexctas, particularmain en cas da cuntegns cumplexs.

• Controllar las configuraziuns da lingua: Verifitgescha che tes browser è configurà sin tia lingua preferida, per ch'el visualiseschia correctamain las translaziuns.